ജിദ്ദ

ചെങ്കടല്‍ തീരത്തെന്‍ മാതാ മഹി ഹവ്വ-

ബീവീ യുറങ്ങുന്ന നാട് ജിദ്ദ.

തൊങ്കലിശല്‍ മൂളി മാലോകരില്‍ സര്‍വ്വ- 

ബീജിയായ് തീരുന്നു മാറ്റി സ്പര്‍ദ്ദ.

ഈ ദുനിയാവില്‍ ഒരറ്റത്ത് നിന്ന് 

ഓടി നടന്ന്  തന്‍ കാന്തനെ  തേടി.

ഈറ്റ് നോവിന്‍ മുമ്പ് വേദന തിന്നു 

പേടി മറന്നു മുലാഖാത്ത് വീടി 

സ്വര്‍ഗ്ഗത്തിലന്നു പിശാചിന്‍റെ പക്കം 

നിന്നതില്‍  എന്നും മനസ്താപമായി.

സ്വന്തമിണയെ പിരിഞ്ഞാദ്യ ദുഃഖം

നിസ്യത  ബാഷ്പം പരിഹാരമായി.

മക്കളെ കാണാന്‍ കൊതി യാല്‍ ഒരുങ്ങി  

വാത്സല്യ പൂര്‍വ്വം വിളിക്കുന്നു ഉമ്മാ.

മക്കയിലേക്കുള്ള വഴിയില്‍ ഉറങ്ങി   

വാരിപ്പുണരാന്‍ നിശബ്ദം ഹലുമ്മാ..