എത്രയും ബഹുമാനപ്പെട്ട എന്റെ പ്രിയ ഭര്ത്താവ് വായിക്കുവാന് .. സ്വന്തം ഭാര്യ എഴുതുന്ന തെന്തെന്നാല് ഏറെ പിരിശത്തില് .. ഗള്ഫ് പ്രവാസത്തിന്റെ അകലം തീര്ത്ത വിരഹത്തിന്റെ മുഴുവന് ദുഖങ്ങളും മനസിലേറ്റി ഒരു തലമുറ മൂളി നടന്ന ദുബായ് കത്തും മറുപടിയും .. മാപ്പിള ഗാന ശാഖയിലെ കത്ത് പാട്ടുകളുടെ പുനര് ജന്മമായിരുന്നു. കത്തുപാട്ടുകളിലൂടെ മലയാളി മനസ്സില് മാപ്പിളപ്പാട്ടിന് പുതിയൊരു ഭാവതലം തീര്ത്ത എസ്.എ. ജമീല് വിട വാങ്ങുമ്പോള് ഒരു കാവ്യ ശാഖയുടെ നനുത്ത ഓര്മകളാണ് അവശേഷിക്കുന്നത്. ഗാനരചയിതാവും ഗായകനുമായ നിലമ്പൂരിലെ സയ്യിദ് അബ്ദുല്ജമീല് എന്ന എസ്.എ. ജമീല് ഒട്ടേറെ ഗാനങ്ങള് രചന നിര്വഹിക്കുകയും ആലപിക്കുകയും ചെയ്തിട്ടുണ്ടെങ്കിലും മലയാളികള് ഓര്ക്കുന്നത് അബു ദാബിയിലെ എഴുത്ത് പെട്ടിയിലെത്തുന്ന പ്രിയപ്പെട്ട വളുടെ ഹൃദയം പൊട്ടി എഴുതുന്ന കത്തും ഉള്ളില് പതിക്കുന്ന ശരങ്ങളായി മറുപടി പറയാന് കഴിയാതെ തകര്ന്ന നിസഹായനായ ഭര്ത്താവിന്റെ മറുപടിയും തന്നെ ആയിരിക്കും.
usmanedathil@gmail.com
No comments:
Post a Comment